БИШКЕК, 4-окт. — Sputnik. Соода байланышын түзүү максатында Кыргызстанга пензалык үч ишкананын өкүлдөрү келгенин Соода-өнөр жай палатасы билдирди.
Бизнесмендер Бишкекке шейшемби күнү, 3-октябрда келишкен.
"Соода-өнөр жай палатасынын программасына ылайык, ишкерлер жергиликтүү ишканалардын бир катарын кыдырып, бизнесмендер менен сүйлөшүүлөрдү жүргүзүштү. Бажы союзуна киргенден бери россиялык ишкерлердин Кыргызстанга болгон кызыгуусу күч алды", — деп айтылат маалыматта.
Кыргызстандын Соода-өнөр жай палатасы ишкерлердин сапарын, мындан тышкары, Саламаттык сактоо министрлигинин Дары-дармек менен камсыздоо департаментинин өкүлдөрү менен жолугушуусун уюштуруп берген.
