БИШКЕК, 3-окт. — Sputnik. Бишкекте эки жагына эки башка погон тагынган Кайгуул милиция кызматкери айдоочуну токтоткон. Бул тууралуу Sputnik Кыргызстан агенттигине WhatsApp-канал аркылуу күбө билдирди.
Анын айтымында, окуя жекшемби күнү, 1-октябрда саат 14.20да Чүй проспектиси менен Бейшеналиева көчөсүнүн кесилишинде болгон.
Бишкекте эки жагына эки башка погон тагынган Кайгуул милиция кызматкери айдоочуну токтоткон
© © фото очевидца, отправленное по Whats App-каналу
"Бизди коопсуздук куру тагылбаганы үчүн токтотту. Алгач анын погонду башкача экенин көрбөптүрбүз, аны кийин тартылган видеону көрүп жатып байкадык", — деди ал.
Бишкекте эки жагына эки башка погон тагынган Кайгуул милиция кызматкери айдоочуну токтоткон
© © фото очевидца, отправленное по Whats App-каналу
Кайгуул милиция башкармалыгынын маалымат кызматы аталган айдоочуну милициянын прапорщиги токтотконун билдирди. Погону бир нерсеге илинип жылдызы түшүп калганына карабай өз ишин уланткан. Башкармалык кызмат ордун таштап кетүү мыйзам бузгандык катары эсептелерин белгиледи.
Эгер кандайдыр бир кызыктуу окуяларга туш болуп калсаңыз тарткан сүрөт, видеолорду биздин +996 706 566 544 WhatsApp же Telegram номери аркылуу билдирсеңиз болот.
