БИШКЕК, 3-окт. — Sputnik. 300 миңдей шайлоочу №2 форманы толтурганын Мамлекеттик каттоо кызматы билдирди.
Аталган форманы жашаган жана каттоого турган жеринен башка жакта добуш бергиси келгендер толтурат.
"300 миңдей киши №2 форманы толтурду. 2015-жылкы парламенттик шайлоодо 200 миң киши жашаган жеринен башка жакта добуш берүү үчүн форманы толтурган. Алдын ала маалымат боюнча добуш берүү укугуна ээ кишилердин саны 3 миллиондон ашат", — деп айтылат маалыматта.
Такталган тизме 4-октябрда белгилүү болуп, ал Боршайкомго берилет.
Эскерте кетсек, президенттик шайлоо 15-октябрда өтөт.
