БИШКЕК, 2-окт — Sputnik. Мээ менен электрондук жабдуулардын маалымат алмашуу системасын иликтөөгө алган MyndPlay компаниясынын өкүлдөрү дүкөн кыдырып, кийим, жалтыр-жултурларды сатып алуу аялдарга төшөк мамилесинен да алда канча арбын канааттануу тартуулай тургандыгын аныктап чыккан. Бул туурасында РИА Новости New York Post басылмасына шилтеме кылып жазды.
Алардын айтымында, дүкөн кыдырып, соода кылгандарды эки категорияга бөлсө болот. Биринчиси, "канат байлап, таасирленген сатып алуучулар". Бул адамдар алардын көркүн чыгарып турган буюм-тайымдарга басып жасашат. Экинчи топтогулар — элден калбай, моданын агымында жөн гана дүкөн кыдырып жүргөндөр.
Иликтөөдө биринчи топтогулардын 84 пайызынын мээсиндеги гамма-ритмдер жеңишке жеткендеги же секс учурундагы абалдагыдай болгон. Ал эми экинчи топтогулар дүкөн кыдырганда чарчап жана тажап кетишерин айтышкан.
