БИШКЕК, 29-сен. — Sputnik. Жалал-Абад — Казарман унаа жолуна кар көчкү түштү. Бул туурасында ӨКМдин маалымат кызматынан билдиришти.
"29-сентябрда саат 08:00дөр чамасында Жалал-Абад — Казарман жолунун 42-50-чакырымына кар көчкү түшүп, автоунаа жолу убактылуу жабылды", — деп айтылат ӨКМдин маалыматында.
Министрликтен №31 жол тейлөө ишканасынан автожүктөгүч жолду тазалоо иштерин жүргүзүп жатканын кошумчалашты.
ӨКМ буга чейин 29-30-сентябрь күндөрү аба ырайы кескин өзгөрүп, тоолуу аймактарга кар жаай турганын эскерткен эле.
