БИШКЕК, 29-сен. — Sputnik. Кыргызстанда аба ырайы 1-октябрдан кийин жылый баштай турганын Sputnik Кыргызстан агенттигинин кабарчысына Кыргызгидрометтин бөлүм башчысы Махбуба Касымова билдирди.
Анын айтымында, жаан-чачын 30-сентябрь күнү кечке маал токтойт.
"Бүгүн Бишкекте жаан саат 18 менен 21.00дүн ортосунда жаайт. Ал эми республика боюнча түн ичинде жааган жамгыр эртең менен басылат. Эртең аба ырайы салкын болуп, күндүн табы 8-10 градуска жетет. Күндүн аягында Кыргызстандын бардык аймагында жаан токтойт", — деди Касымова.
1-октябрдан тарта күн жылып, +15 градуска чейин жете турганы айтылды.
