БИШКЕК, 25-сен. — Sputnik. Лондондук сүрөтчү-дизайнер Альберт Пакис ойлоп тапкан "чоң курсак" сумканын сүрөтү интернетке чыгары менен өтө популярдуу болуп кеткенин life.ru порталы жазды.
Дизайнердин өзүнүн айтымында, "Атамдын баштыгы" деп аталган бул сумканы чыгарууга кызыккан бир нече фирма ага сунуш менен кайрылган. Бирок автор сумкаларды өзү каражат топтоп чыгарууну пландап жатат.
"Өзүм дайыма чоң курсактуу болгум келчү. Бирок мынча толом деп ден соолугумду жабыркатып алуудан корком. Ошол себептен, курсак өзүмдө болбосо дагы каалаган учурда "тагып" алайын деп бул баштыкты ойлоп таптым", — деди дизайнер.
Жакынкы арада элге "чоң курсак" сумкалардын алты түрү сунушталары айтылды.
