БИШКЕК, 25-сен. — Sputnik. Италиянын Куралдуу аба күчтөрүнүн аскердик учагы авиашоу учурунда сууга кулап, учкучу курман болду. Бул туурасында РИА Новости Il Corriere della Sera басылмасына таянуу менен кабарлаган.
Аталган иш-чара Лацио деп аталган облусунда Тиррен деңизинин жээгинде миңдеген адамдардын көзүнчө болгон.
Асмандан тик ылдый шукшурулуп келе жаткан учак деңизге кулап, суу бир нече метрге чейин чачыраган. Окуя видеого тартылып, социалдык тармактарга кеңири тарап кеткен.
Eurofighter Typhoon учагын башкарып бара жаткан пилот абага көтөрүлүүдөгү маанилүү делген ыкмаларды аткарып жатып, сууга кулагандыгы айтылууда. Окуяга күбө болгондор учкуч самолеттон чыгып кетүүгө үлгүрбүй калгандыгын билдиришкен.
Аба кемесинин 36 жаштагы капитанынын сөөгү 1,5 сааттан кийин табылган.
