Мына ошол чебер энелерибиздин учугун улап, эски менен жаңыны айкалыштырып заманбап кийимдердин түрүн тиккен дизайнер Алмаз кызы Чолпонай кол өнөрчүлүк туурасында маек куруп берди.
— Дизайнер болуу бала кезден берки кыялбы же бул багыткан кокусунан келип калдыңызбы?
— Дизайнерлик кесипти аркалоону бала кезимен кыялдангам. Мектепте окуп жүргөндө эле кийим тигип, баш кийим, моюн орогучтарды өзүм токуп кийип барчумун. Ата-энемдин колдоосу менен учурда дизайнер адистиги боюнча билим алуудамын. Апам уз, кыздарга сеп даярдайт.
— Бир коллекция даярдоону башынан баштап ырааты менен айта кетсеңиз, эң биринчи эмнеден баштоо керек?
— Теманы аныктап алгандан кийин, мисалы, беш көйнөк жарата турган болсок, болжолдуу 15-20 эскиз тартып алабыз. Алардын ичинен бычымдары (фасону) бири-бири менен тыгыз байланышып турган беш көйнөктү тандап алып, кагазга өңүн беребиз. Буга кошумча бут кийим, сумка, баш кийимдерин, бардык аксессуарларын тартып чыгабыз. Анан керектүү кездеменин өңүн тандап алгандан кийин аларды бычып-чактап даяр кылабыз. Коллекциядагы кийимдер өңү же фасону боюнча өз ара байланышып турушу керек.
— Жалпы канча коллекцияңыз бар?
— Негизинен эски менен жаңыны айкалыштырып жаңы нук, жаңы түс берүүнү максат кыласызбы?
— Кыргыздын эски кийимдеринен идея алып, фасондорун азыркы учурга ылайыктап өзгөртүп, кошумчалап заманбап кийимдердин эскизин иштеп чыгам. Учурда менин колумдан чыккан кийимдер заманбап стилде, бирок, эскини эске салып турат. Максатым — кыргыздын эски кийимдерин кайра жаңыртууну.
— Социалдык түйүндөрдө сиздин колуңуздан чыккан эмгектер абдан популярдуу экен. Интернет эмгектериңизди таанытууга көп жардам берсе керек? Дегеле кардарлар тарабынан көбүнесе кандай кийимдерге буюртма аласыз?
— Ооба, жасаган эмгектеримди социалдык тармактарга жүктөп, ошол жактан буюртмаларды алып турам. Бишкектегилер көбүнчө классика жана кече көйнөктөрүн тиктиришет. Ал эми айылга барганымда көбүнчө күнүмдүк турмушка жана бүтүрүү кечесине кие турган көйнөктөргө басым жасаарын байкайм.
— Мырзаларга да арнап коллекция чыгаруу оюңузда барбы?
— Мырзаларга арналган кийимдердин коллекциясын чыгара элекмин, бирок кээде буюртма түшкөндө баш тартпайм. Азыр эркек жолдоштордун кийимдерин тиккендер аз. Ошондуктан келечекте муну да колго алгым келет.
— Белгилүү дизайнерлерден жумушка чакыруулар барбы?
— Дизайнерлик атаандаштык күчтүү жана өнүккөн кесип болсо керек? Дегеле чыгармачылыгыңызды ишке ашырууда тоскоолдук жаралган учурлар болобу?
— Ооба, дизайнерлер арасында атаандаштык күчтүү. Көп дизайнерлердин арасынан суурулуп чыгуу оңой эмес. Бул үчүн талбай эмгектениш керек. Ал эми чыгармачылыгымды ишке ашырууда тоскоолдук жаралган кырдаалдар азырынча боло элек.
