Соцтармак “Демир Банктын” терминалдары иштебей жатат деп нааразы

© Фото / Михаил ДудинТерминалы "Демир банка" не работают
Терминалы Демир банка не работают - Sputnik Кыргызстан
Жазылуу
НовостиTelegram
Окурмандар Бишкектеги банкоматтардын көпчүлүгү кардарларга кызмат көрсөтпөй жатканын белгилешкен

БИШКЕК, 22-сен. – Sputnik. “Демир Банктын” банкоматтары иштебей жаткандыгы тууралуу Sputnik Кыргызстан агенттигине окурмандар билдирип, буга эмне себеп болуп жатканын аныктоого жардам этүүнү редакциядан суранышты. 

Алар шаар ичиндеги банкоматтардын көпчүлүгү кардарларга кызмат көрсөтпөй жатканын белгилешкен. 

Мындан улам Sputnik Кыргызстан агенттиги банктын расмий өкүлдөрү менен байланышууга аракет жасады. Бирок азырынча андан майнап чыга элек. 

Банкоматтардын иштебей жаткандыгын социалдык тармактын колдонуучулары дагы талкуулап жатышат. 

Элмира Шерипова чөнтөгүндө сокур тыйыны калбаганын, банктык картадан акча чыгарайын десе терминалдар иштебей калганын билдирген. 

Жылдыз Дүйшөнова болсо банкомат издеп шаар ичин эки саат кыдырганын жазып чыкты. Анын айтымында, банк менен байланышка чыкканда адис негизги себебин билбей турганын билдирген. 

Ал эми Айпери Шадыханова банктын Whatsapp каналына билдирме жөнөтүп ага беш сааттан кийин гана жооп алганын жазды. 

Жаңылыктар түрмөгү
0