YouTube каналына Лаостогу үрөй учурган селдин видеосу жарыяланды. Анда Сиангкхуанг провинциясындагы дамбаны жырып чыккан сууну көрүүгө болот.
The Daily Mail басылмасынын жазганына караганда өлкө аймагында өткөн аптада тынбай жааган жаандан улам дарыядагы суунун деңгээли көтөрүлүп, дамбаны жырып кеткен. Анын кесепетинен бир нече айылды сел каптаган.
Лаостун бийлиги кырсыктын чоо-жайын аныктап жатат. Алдын ала маалымат боюнча дамба жаңыдан курулуп жаткандыктан суунун көлөмүн кармай албай калган.
