Кадырбеков: балдар натуура жолго түшпөш үчүн энелер динди билиши керек
Балдар туура эмес жолго түшпөш үчүн энелер динди билиши керек. Бул тууралуу "Ыйман" фондусунун жетекчиси Нуржигит Кадырбеков журналисттердин суроолоруна жооп берип жатып билдирди.
Анын айтымында, аялдар илимдүү-билимдүү болушу абзел.
"Коомдо, исламда аялдын орду абдан чоң. Ошондуктан балдарыбыз динди туура эмес пайдалангандардын торуна түшүп калбашы үчүн аялдардын динди билиши, билимдүү болуп социалдык жашоодо активдүү болушу өтө маанилүү", — деди Кадырбеков.
Белгилей кетсек, борбор калаада "Аялдардын коомдогу жана исламдагы орду" аталышында семинар болуп өттү.
