Токтомушев: чечингендер көбөйсө бузуку коом куралат
Чечингендер көбөйсө бузуку коом куралат. Бул тууралуу Кыргызстандын муфтийи Максат ажы Токтомушев журналисттердин суроолоруна жооп берип жатып билдирди.
Анын айтымында, жоолук маселеси чырга себеп болбошу керек.
"Жоолук биздин урушканыбызга, бири-бирибизди жек көрүүгө себеп болбошу керек. Жоолукка ислам дүйнөсү, биздин ата-бабалар өзгөчө көңүл бөлүп келген. Карама-каршылык күчөп, чечингендер көбөйсө бузулган коом куралат. Бузулган коомдун келечеги жок. Негизи балагатка жеткен кыз жоолук салынууга милдеттүү. Бирок биз ыктыярдуу кылып жатабыз. Бул — исламдын, демократиянын жолу", — деди Токтомушев.
Белгилей кетсек, борбор калаада "Аялдардын коомдогу жана исламдагы орду" аталышында семинар болуп өттү.
