БИШКЕК, 16-сен. — Sputnik. Бишкектеги Токомбаев көчөсүн бойлой 12-кичи райондон Шабдан баатыр көчөсүнө чейин биринчи этап боюнча 80 бак отургузулду.
Жалпысынан план боюнча 600 дарак жана 300 бадал отургузуу пландалган.
"Шаардыктар андан сырткары, Медеров көчөсүнүн Панфиловдон Токтоналиевге чейинки бөлүгүнө бак отургузуу иш чарасына катышты. Ал жакка план боюнча 22 бак жана 60дай бадал отургузулду", — деп айтылат маалыматта.
"Зеленстройдун" агроному бак-даракты кандай отургузуу керектигин көрсөтүп берген. Мэриянын маалымдашынча, ири масштабдагы мындай бак отургузуу Кыргызстанда алгачкы жолу ишке ашып жатат.
Бак отургузуу иштери октябрдын ортосуна чейин этабы менен уланып, калаанын Киев, Панфилов, Логвиненко көчөлөрүнө көчөттөр отургузулат. Жалпысынан Бишкек шаарына төрт миңге жакын көчөт тигилет.
