13 Аяк оона 2017, 19:37
Бишкек шаарынын Гагарин көчөсүндөгү жеке турак жайда өрт чыкты. Бул тууралуу күбө Sputnik Кыргызстан агенттигине билдирди.
Анын айтымында, кырсык 12.00дөр чамасында видеого тартылып алынган.
Өрт тууралуу маалыматты Өзгөчө кырдаалдар министрлигинин маалымат кызматы тастыктап, тилсиз жоо ажатканада чыккандыгын билдиришти.
Кырсык болгон жерге бир өрт өчүрүүчү унаа барып, 12.20да башка үйлөргө өтүп кетүүсүнө бөгөт коюлган. Жабыркагандар жок.
Эгер кандайдыр бир кызыктуу окуяларга туш болуп калсаңыз тарткан сүрөт, видеолорду биздин +996 706 566 544 WhatsApp же Telegram номери аркылуу билдирсеңиз болот.
