БИШКЕК, 9-сен. — Sputnik. Дүйнөдөгү Нобель сыйлыгынын лауреаттары Мьянма бийлигинин жана ТИМ жетекчиси, мамлекеттик кеңешчи Аун Сан Су Чжинин рохинжа мусулмандарына карата саясатын сынга алгандыгын РИА Новости жазды.
Тагыраагы, сын-пикирлерин пакистандык укук коргоочу Малала Юсуфзай менен Түштүк африкалык епископ Десмонд Туту айтышты.
Малала Юсуфзай дагы бул боюнча оюн ачык билдирип, Мьянма бийлигин рохинджа элине карата зомбулуктуу токтотууга жана жарандык берүүгө чакырды.
Ракхайн штатындагы рохинжа мусулмандары менен будда динин туткан бирмалыктардын ортосундагы карама-каршылык ондогон жылдардан бери уланып келет. Мьянмадагы бийлик жарандык өкмөткө өтүп, демократиялык реформалардын башталышы менен ортодогу кагылышуу кайрадан күч алган.
Мьянма өкмөтү рохинжадан "бенгалдык террорчулар" чыкканын айтып келет. Өлкөнүн бийлиги менен коомчулук рохинжаларды XIX жана ХХ кылымдардын тогошуусунда британиялык администрация тарабынан Бангладештен көчүрүлүп келген мыйзамсыз мигранттар деп эсептейт.
Мьянманын мамлекеттик ЖМКларынын билдиргенине караганда, акыркы күндөрү Ракхайнда 400 адам каза тапты.
Мьянма тууралуу фактыларды Sputnik Кыргызстан материалынан окуңуздар>>
