Борбор калаада Дүйнө элдеринин эпосторунун IV фестивалы аяктады.
Ал 4-6-сентябрда өттү. Быйыл төртүнчү жолу уюштурулуп жаткан фестиваль Адеп, ыйман жана маданият жылы менен манасчы Сагымбай Орозбаковдун 150 жылдыгына арналган.
4-5-сентябрда илимий-практикалык симпозиум жана эквадордук белгилүү музыкант Лео Рохастын катышуусунда концерт, ошондой эле театрлаштырылган программа элге тартууланды.
Андан сырткары, Токтогул Сатылганов атындагы кыргыз улуттук филармониянын алдында "Кыргыз көчү" этнографиялык айылы ачылып, кол өнөрчүлөрдүн эмгектери эл назарына коюлду.
