БИШКЕК, 2-сен. — Sputnik. Президент Алмазбек Атамбаев Онкология жана гематология боюнча улуттук борборун оңдоого 70 миллион сом бөлгөнүн мамлекеттик башчысынын маалымат кызматы билдирди.
Атамбаев аталган каражатты президенттин фондусунан бөлүү үчүн буйрукка кол коюп, акча архитектура, курулуш турак-жай жана коммуналдык чарба мамлекеттик агенттигине берилген.
Жыл башында премьер-министр Сооронбай Жээнбеков Кыргыз гематология илимий борбору менен Улуттук онкология борборун бириктирүү боюнча токтомго кол койгон.
