Исаков бир айдан кийин Бишкекте "Акылдуу шаар" долбоорун киргизүүнү тапшырды

© Sputnik / Александр Кряжев / Медиабанкка өтүүЖолдогу видеобайкоо камералары. Архив
Жолдогу видеобайкоо камералары. Архив - Sputnik Кыргызстан
Жазылуу
Алгач бул долбоор Бишкек менен Ош шаарларында иштеп баштайт

БИШКЕК, 30-авг. — Sputnik. Премьер-министр Сапар Исаков 1-октябрдан тарта Бишкек шаарында "Акылдуу шаар" долбоорун сынамакка киргизүүнү тапшырганын өкмөттүн маалымат кызматы билдирди.

Ага ылайык, Исаков Бишкек жана Ош шаарларында "Акылдуу шаар" долбоорун ишке ашыруу боюнча жыйын өткөрдү.

Ал өз сөзүндө "Акылдуу шаар" долбоору "Таза коом" жогорку технологиялык долбоору менен "Жаңы доорго кырк кадам" программасынын бир бөлүгү экенин баса белгиледи.

"Жакын арада бул аракет Бишкек шаарында сынамак долбоор катары ишке киргизилет. Ош шаарынын мэриясы бул тажрыйбаларды тыкыр иликтеп, аны өздөрүндө эрте баштоонун аракетин көрүшү керек", — деди Исаков.

Золоторудное месторождение Кумтор в Иссык-Кульской области - Sputnik Кыргызстан
Исаков Кумтөр качан жабыларын жана кандай шарттар коюлганын айтты
Бишкек мэри Албек Ибраимов долбоорду ишке ашыруу үчүн Чүй жана Манас проспектилерине жол эрежесин бузгандарды каттоо үчүн фото-видео жабдуулар коюларын айтты.

Андан сырткары "Ала-Тоо" аянтына дагы видеокөзөмөлдөгүчтөр коюлат.

Ал эми Ош шаарынын мэри Айтмамат Кадырбаев да шаар көчөлөрүндө даярдык иштери тууралуу маалымат берди.

Премьер-министр бул долбоорду ишке ашырууда буга кызыкдар болгон чет элдик инвесторлор менен тыгыз иштөө керектигин баса белгиледи. Ошондой эле анын техникалык-экономикалык негиздемесин иштеп чыгып, өкмөттүн кароосуна алып чыгууну тапшырды.

Жаңылыктар түрмөгү
0