Сапар Исаков Кайгуул милициясынын ишин өзгөртмөй болду

Жазылуу
Министтрлик жетекчилери 103 пункттан турган иш-чаралардын планын аткарышы керек

БИШКЕК, 30-авг. — Sputnik. Премьер-министр Сапар Исаков өкмөттүн мүчөлөрүнө жол кырсыктарын кыскартууга багытталган иш-чараларды ишке ашыруу тапшырмасын берди.

Шаршемби күнү, 30-августта, Исаков жол коопсуздугуна арналган жыйын өткөрдү. Жарым саатка созулган жыйындан кийин ведомстволордун жетекчилерине жол коопсуздугун сактоого багытталган 103 пункттан турган план таркатылган.

"Сиздерден бул планды так аткарууну суранам, иш ордуңуздарга барар замат жыйын өткөрүп кызматкерлерге документти таркатыңыздар. Окуу жылы жакындап калды, эрте кыймылдай башташ керек. Ошондой эле аткарылган иштер жана кыйынчылыктар тууралуу маалымдап туруңуздар", — деп Исаков министрлер кабинетинин мүчөлөрүнө кайрылуу жасады.

Жолдогу автоунаалар. Архив - Sputnik Кыргызстан
Жол кырсыктары азайсын! Өлкө түштүгүндө жаштар акция уюштуруп, түлөө өткөрөт
Ал ошондой эле статистика боюнча үстүбүздөгү жыл ичинде жол кырсыктарынын саны өткөн жылга салыштырмалуу 20 пайызга азайганын билдирди. Бирок Исаков кесиптештерине бул цифрага карап отура берүү туура эместигин айтып, быйыл кырсыктардын айынан 400гө жакын адам каза болгонун эскертти. Өкмөт башчы ички иштер министрине кайрылып командасы менен биргеликте ишке билек түрө киришүүсүн өтүндү.

"Мектептердин жанында сиздердин кызматкерлер көп болушу керек. Анан алар жол чийинден кийин эмес, ага чейин туруулары кажет — бул өтө маанилүү. Кылмышкерлерди кармоо менен алектенүүнүн ордуна алдын алууга аракет жасоо керек", — деди Исаков.

Жыйын аяктагандан кийин вице-премьер Темир Жумакадыров журналисттерге аталган план жыл аягына чейин аткарылышы керектигин билдирди.

Жаңылыктар түрмөгү
0