Радиостудия Sputnik Кыргызстан в Бишкеке - Sputnik Кыргызстан
Радио

Айтматова: атам репрессия болорун сезген деп ойлойм

© Sputnik / Максат ЭлебесовТөрөкул Айтматовдун кызы, профессор Роза Айтматова Sputnik Кыргызстан радиосуна маек учурунда
Төрөкул Айтматовдун кызы, профессор Роза Айтматова Sputnik Кыргызстан радиосуна маек учурунда - Sputnik Кыргызстан
Жазылуу
НовостиTelegram
Төрөкул Айтматовдун кызы, профессор Роза Айтматова репрессияга саналуу күндөр калганда атасы үй-бүлөсүн Москвадан Таласка жөнөткөнүн айтты
Айтматова: атам репрессия болорун сезген деп ойлойм

Репрессия курмандыгы болгон Төрөкул Айтматов каргашалуу окуя болорун сезген. Бул тууралуу анын кызы Роза Айтматова Sputnik Кыргызстан радиосуна маек куруп жатып билдирди.

Белгилей кетсек, 1938-жылы репрессияга кабылып, түндөп атылып, чуңкурга жашыруун ташталган кыргызстандык жарандардын 53 жылдан кийин "Ата-Бейитке" урмат менен кайра көмүлгөн күнүнө бүгүн 26 жылдын жүзү болду. 

"Атам репрессия болорун билип, сезип турган деп ойлойм. Анткени ошол кезде репрессиялар, камакка алуулар күч эле. Мүмкүн мунун баары убактылуу көрүнүш деп ойлосо керек. Ошол кезде атам окуу үчүн Москвага үй-бүлөсү менен көчүп барган. Мен Москвадан төрөлгөм. 1937-жылы 15-августта атайын жарлык чыгып, анда "эл душмандарынын үй-бүлөсү да кооптуу, аларды атайын лагерлерге айдаш керек" деп жазылган. Ошону угуп атам 10 күн ичинде бизди Таласка жөнөткөн", — деди Айтматова.

Ал атасынын набыт болгондугу тууралуу маалымат 1957-жылы белгилүү болгондугун, бирок анда кайсы жакка көмүлгөндүгү айтылбагандыгын кошумчалады.

Жаңылыктар түрмөгү
0