БИШКЕК, 22-авг. — Sputnik. Президент Алмазбек Атамбаев "Премьер-министр жана өкмөттүн отставкасы жөнүндөгү" Жарлыкка кол койгонун өлкө башчынын маалымат кызматы билдирди.
Эскерте кетсек, алдыдагы президенттик шайлоого аттанган өкмөт башчы Сооронбай Жээнбеков талапкер катары расмий каттоодон өтүп, кызматтан кетүү боюнча арыз жазган.
Президенттин Жарлыгына ылайык, буга чейин вице-премьерлик жана министрлик кызматтарды аркалагандар өкмөт мүчөсүнүн милдетин аткаруучу болуп калмакчы.
Жарлык кол коюлгандан тарта күчүнө кирет.
