БИШКЕК, 22-авг. — Sputnik. Бүгүн Индияда кыргызстандык Зухра Балтабаеванын баш коргоо чарасы карала турганын Тышкы иштер министрлигинен кабарлашты.
Буга чейин айрым маалымат каражаттары Нью-Делидеги аэропорттон Кыргызстандын жараны кармалганын жазып чыккан. Индиянын бажы кызматынын өкүлдөрү Балтабаеванын жанынан 140 миң доллар тапкан.
"Бүгүн, 22-августта, кыргызстандык жарандын баш коргоо чарасын кароо үчүн соттук отурум өткөнү жатат", — деп ТИМден маалымдашты.
Ошондой эле элчилик Индиянын Жогорку сотунун адвокатынын жардамы менен кыргыз жаранына укуктук колдоо көрсөтөрүн белгилеген.
