БИШКЕК, 22-авг. — Sputnik. Аламүдүн районунун Чоң-Арык айылындагы түштүк-чыгыш көрүстөнү толгонуна байланыштуу Гроздь айылына шаардык жаңы көрүстөн ачылат. Бул тууралуу мэриянын маалымат кызматы билдирди.
Түштүк-чыгыш көрүстөнүнө 1973-жылдан бери маркумдар коюлуп келген. Башында анын аянты 69 гектар болчу. Кийин 300 гектардан ашып, сөөк коюуга орун калбай калган. Андыктан шаардыктар каза болгон жакындарын башка аймактарга көмө баштаган.
"Жакын арада жаңы көрүстөн ачылып, анын аймагы дин боюнча бөлүнөт. Жаңы көрүстөндүн аймагы 44 гектар", — деп айтылат маалыматта.
Жаңы көрүстөндүн тегереги тосулуп, жолдору оңдолду. Андан сырткары, машина токтотуучу жай да курулган.
