БИШКЕК, 18-авг. — Sputnik. Кыргызстанга директорлор менен менеджерлерден турган Япониянын соода өнөр жай палатасынын өкүлдөрү келип, ишкер чөйрөнүн өкүлдөрү менен жолугат. Бул туурасында JICA уюмунан кабарлашты.
Бишкекке биринчи жолу келип жаткан япониялык бул делегациянын курамында күн чыгыш өлкөсүнүн 10 компаниясынын өкүлдөрү келет. Алар автотетиктер, баалуу кагаздар, курулуш-инженердик, долбоорлоо, балчылык, кыймылсыз мүлктү соодалоо, айлана-чөйрөнү иликтөө, бизнес-консалтинг, консалтинг багытында иш алып барган тараптар.
Маалыматта аталган палатага чаканынан тарта орточо корпорацияларда иштеген 1, 26 миллион адам мүчө экендиги айтылат.
Жолугушуу 28-августта өтөт.
