Шайлоо-2017: Текебаев кыргыз тилинен тест тапшырды

© Sputnik / Табылды КадырбековПресс-конференция лидера фракции "Ата Мекен" Омурбека Текебаева
Пресс-конференция лидера фракции Ата Мекен Омурбека Текебаева - Sputnik Кыргызстан
Жазылуу
Депутаттын тест тапшырганын анын адвокаты Искен Афиджанов дагы ырастады

БИШКЕК, 17-авг. — Sputnik. Кыргызстандын президенттигине аттанган Өмүрбек Текебаев бүгүн кыргыз тили боюнча тестирлөөгө катышып 93,75 упай алды. Бул тууралуу Мамлекеттик тил комиссиясынан кабарлашты.

Билдирмеге караганда, эл өкүлү мамлекеттик тилди билүү деңгээли боюнча бекитилген үлгүдөгү сертификатка ээ болгон.

Депутаттын тест тапшырганын анын адвокаты Искен Афиджанов дагы ырастады.

"Бүгүн УКМКнын убактылуу кармоочу жайына барып Өмүрбек Текебаев менен жолуктум. Ал Кыргызтесттин өкүлү келип саат 14.00дөн 16.00гө чейин тест алып кеткенин айтты", — деп билдирди Афиджанов.

Эскерте кетсек, Текебаев Россиялык ишкерлерден "Альфа Телеком" (Megacom) компаниясын алардын пайдасына чечип берүү үчүн 1 миллион доллар пара алган деп айыпталып, Биринчи Май райондук соту тарабынан кечээ 8 жылга эркинен ажыратылды.

Жаңылыктар түрмөгү
0