БИШКЕК, 16-авг. — Sputnik. "Ала-Арча" мамлекеттик резиденциясында Кыргызстан менен Өзбекстандын премьер-министрлери Сооронбай Жээнбеков менен Абдулла Ариповдун тар чөйрөдөгү жолугушуусу башталды.
Өзбекстандын өкмөт башчысы 16-августта Бишкекке келген. Премьерлердин катышуусунда эки тараптуу кызматташуу боюнча өкмөттөр аралык комиссиянын жана чек араны делимитация жана демаркациялоо боюнча комиссиянын жыйыны өтөт.
Белгилей кетсек, кыргыз-өзбек чек арасынын жалпы узундугу 1 378 чакырымды түзөт. Учурда анын 1 058 чакырымы такталган. Бүгүнкү күнү 324 чакырым чек ара тактала элек. Акыркы кезде тараптар чек араны тактоо боюнча сүйлөшүүлөрдү баштап, жумушчу топтордун бир нече жолугушуулары өттү.
