БИШКЕК, 14-авг. — Sputnik. АКШдагы продукциялардын коопсуздугу боюнча комиссия өзүнүн расмий сайтына спиннердин бала өмүрүнө кооптуулук жарата тургандыгын түшүндүргөн маалымат жайгаштырды.
Америкалык адистер бул оюнчукту кичинекей балдардын колуна карматпаш керектигин, себеби бала аны оозуна салып жибериши мүмкүндүгүн эскертишти. Желимден жана металлдан жасалган спиннер чачырап кетиши мүмкүн. Оюнчукта жалындап жалбырттап кетиши мүмкүн болгон батарейкалар бар. Андыктан аталган уюм электр кубаты менен кубаттандырган спиннер сатып алууну сунуштайт.
Спиннер — манжаларга салып алып айлантып ойногон оюнчук. Ал учурда балдар жана өспүрүмдөр арасында кеңири тарап кеткен.
