БИШКЕК, 12-авг. — Sputnik. Суу алдындагы жүрүүчү атомдук "Курск" кемесинин курман болгон аскер моряктары эскерилди. Бул туурасында РИА Новости жазды.
"Кемелер Баренц деңизиндеги трагедияны эскерип желектерин түшүрүп, митинг өтүп, аза күтүү мүнөтү болду", — деп айтылат маалыматта.
Адмирал Макаровдун атындагы Тынч океан жогорку аскер деңиз окуу жайында "Училищенин бүтүрүүчүлөрү" мемориалына жана эстелик тактасына гүл чамбарлар коюлду. Себеби, ал жерде аталган окуу жайдын аяктап, "Курск" трагедиясында курман болгон моряктардын ысымдары чегилип жазылган.
Мындан туура 17 жыл мурда атомдук ракеталык "Курск" крейсеринде кырсык болуп, ал 108 метр тереңдикке чөккөн. Экипаждын мүчөлөрү, адистер болуп бардыгы 118 адам каза тапкан.
Биринчи рангдагы капитан Геннадий Лячин жетекчилик кылган кеме кырсыкка Баренц деңизинде кабылган.
