БИШКЕК, 6-авг. — Sputnik. Күрөш боюнча жаштардын дүйнө биринчилигинде финалга чыккан кыргызстандык балбандар Жоламан Шаршенбеков менен Роман Ким атаандаштарына жеңилип, күмүш медалга ээ болушту.
Чемпионат Финляндиянын Тампере шаарында өттү.
Биринчи болуп килемге чыккан Шаршенбеков 55 килограммдык салмакта беттешип, түркиялык балбан Керем Камалга 12:3 эсебинде жеңилип калды.
Ал эми 120 килограммдык салмак категориясында беттешкен Роман Кимди грузиялык балбан Звиад Патаридзе 6:2 эсеби менен утту.
Эскерте кетсек, 1-августта Финляндияда башталган эркин, грек-рим, жаштар арасында жана кыздар күрөшү боюнча дүйнөлүк чемпионат 6-августта жыйынтыкталды.
