БИШКЕК, 3 авг — Sputnik. Бокс боюнча оор салмактагы дүйнөнүн мурдагы чемпиону Владимир Кличко спорттук карьерасын жыйынтыктап жаткандыгы тууралуу немистик Bild басылмасы жазып чыкты.
Басылма белгилеп кеткендей, 41 жаштагы Кличко апрелде британиялык мушкер Энтони Джошуага техникалык нокаут менен жеңилип, ноябрда күтүлүп жаткан реванш беттешке чыгуудан баш тарткан. Бул Кличконун бүгүнкү күндөгү соңку беттеши.
Владимир Кличко профессионалдык карьерасында 64 ирет жеңишке жетип (53 нокаут менен), беш жолу жеңилүү ызасын тарткан. Ал 1996-жылы өткөн Олимпиада оюндарынын чемпиону, дүйнөлүк бокс уюмдарынын (WBO, 2000-2003, 2008-2015), эл аралык бокс федерациясынын (IBF, 2006-2015), дүйнөлүк бокс бирикмесинин (WBA, 2011-2015) оор салмактагы чемпиону.
