Абадан коргонуу күчтөрүнүн аскерлери Ала-Арча капчыгайынан 47 жаштагы россиялык альпинист аялды куткарышты
КРдин Куралдуу күчтөрүнүн башкы штабынын маалымат кызматынын билдиргенине караганда, альпинистти сактап калууга МИ-8 МТВ тик учагы менен командир, учкуч-инструктор жана борттехниктен турган экипаж барган.
Корона чокусуна чыгып бара жаткан альпинист деңиз деңгээлинен 3300 метр бийик жерине жеткенде өзүн жаман сезе баштаган
Альпинист аял алгач "Фрунзе-1" аэродромуна алып келинип, кийин өпкө шишиги диагнозу менен ооруканага жеткирилди.
Абадан коргонуу күчтөрүнүн аскерлери бир жуманын ичинде ушуну менен экинчи жолу тоодо калгандарды куткарууга учуп барышты. Биринчисинде Ленин чокусуна чыгууну көздөгөн немис альпинистин алып түшүүгө туура келген.
