БИШКЕК, 3-авг. — Sputnik. Бүгүн Ысык-Көл облусунда жаан-чачын болорун ӨКМдин маалымат кызматы билдирди.
Facebook тармагынын колдонуучусу Айнура Толонбай Чок-Тал айылына катуу жаган мөндүрдүн сүрөтү менен видеосун жарыялады.
"Августта кар чачышып ойнойбуз", — деп Айнура Толонбай социалдык тармакка жазды.
Синоптиктердин маалыматына ылайык, 4-августта түндө жана эртең менен өлкөнүн көпчүлүк аймактарында жамгыр жаайт. Күндүз жаан себелеп, батыштан соккон желдин ылдамдыгы 4-9 метрге чейин, айрым аймактарда 20 метрге чейин жетет.
