БИШКЕК, 31-июл. — Sputnik. 1-август күнү өлкө аймагында жаан-чачын күтүлбөй турганын Кыргызгидромет билдирди.
Маалыматка ылайык, батыштан соккон шамалдын ылдамдыгы секундасына 4-9 метрге чейин жетет.
Чүй облусунда 32…37 градус ысык болсо, Таласта күндүн табы 30…35 градуска чейин көтөрүлөт. Ош, Жалал-Абад, Баткен дубандарында абанын температурасы 34…39 градуска жетери айтылды. Ысык-Көл менен Нарында 26…31 градус болору болжолдонууда.
Бишкек менен Ош шаарларында күн 35…37 градуска чейин ысыйт.
