БИШКЕК, 31-июл. — Sputnik. Америкалык Тайрон Скроггинс аттуу бийчи менен жуп болгон кыргызстандык бийчи Солто Эсенгулов America's Got Talent аттуу белгилүү музыкалык теледолбоордун катышуучусу болушту.
"Алгач бул сынакка Кыргызстандан досторум менен келейин деп жаткам. Тилекке каршы аларга виза берилбей, келбей калышты. Буга байланыштуу долбоорго эски досум Тайрон Скроггинс менен чыга баштадым", — деди кыргызстандык бийчи.
Тандоо туру менен экинчи турду артка калтырган бийчилер үчүнчү турга келгенде андан ары өтө албай калышкан.
Буга чейин аталган сынакка Кыргызстандын атынан мүмкүнчүлүгү чектелген "Тумар" бий тобу катышкан.
America's Cot Talent ("Америкада таланттар бар") — NBC телеканалынын долбоору, ал эми бир бөлүгү Got Talent компаниясына тийиштүү.
