БИШКЕК, 28-июл. — Sputnik. "Союз-ФГ" ракетасы экипаждын үч мүчөсү менен Байконур космодромунан Эл аралык космос станциясына учуп кеткендиги тууралуу РИА Новости жазды.
"Союз" кемесинин бортунда россиялык космонавт Сергей Рязанский, америкалык астронавт Рэндольф Брезник жана Европалык космос агенттигинин астронавты Паоло Несполи бар.
Москва убактысы менен 29-июлда саат 1.00дө станцияга жетээри пландалып жаткан кеме ал жакта 139 күн болмокчу.
Ошол аралыкта россиялык космонавттардын ачык космоско чыгары пландалууда.
Ал эми Бишкек тургундары бир аз мурда Казакстан тараптан ракета сыяктуу жарык көрүнгөнүн айтып, социалдык тармактарга сүрөттөрдү илип, талкуулап жатышат.
Ушундай эле жарык берген обьектти Кыргызстандын түндүгү менен Казакстандын түштүгүнөн 2010-жылдын 30-июнунда көрүшкөн. Анда Казакстандагы Байконур космодромунан "Союз" ракетасы учурулган.
