АКШда аттракцион сынып кетип, 18 жаштагы улан каза тапты. Кырсыктын видеосу

© REUTERS / SOCIAL MEDIAАКШнын Огайо штатындагы жарманке учурунда аттракцион сынып кеткенинен улам бир адам каза болду
АКШнын Огайо штатындагы жарманке учурунда аттракцион сынып кеткенинен улам бир адам каза болду - Sputnik Кыргызстан
Жазылуу
Аттракцион убактылуу токтотулуп, иликтөө иштери башталды

БИШКЕК, 27-июл. — Sputnik. АКШнын Огайо штатындагы жарманке учурунда аттракцион сынып кеткенинен улам бир адам каза болуп, дагы бешөө ооруканада оор абалда жатканын NBC4i телеканалына шилтеме берип РИА Новости жазды. 

Кырсык жарманкенин ачылыш аземинде болгон.

Аталган телеканалга полициянын өкүлү Стив Мартин билдиргенине караганда, аттракциондун бир катары жулунуп кеткен.

Ал эми иш-чаранын уюштуруучулары өздөрүнүн Twitter баракчасына иликтөө иштери жүрүп жатканын айтышты.

"Социалдык тармактарда аттракциондогу кырсык жөнүндө пикирлер жазылууда. Учурда иликтөө жүрүп жатат. Маалымат түшөөрү менен кабарлап турабыз", — деп жазылган билдирүүдө.

Ага караганда, кырсыктан каза тапкан жигит болгону 18 жашта болчу. Аттракцион убактылуу жабылды.

Жаңылыктар түрмөгү
0