БИШКЕК, 25-июн. — Sputnik. Премьер-министр Сооронбай Жээнбеков кенчилерге экологиялык коопсуздук жана өнөр жай нормаларын сактоонун маанилүүлүгүн эскертти. Бул туурасында ал Ала-Бука районуна караштуу "Иштамберди" алтын кениндеги "Фулл голд майнинг" ишканасына барган айткан.
Жээнбеков бийлик ушул сыяктуу ишканалардын ишине колдоо көрсөтүшү зарылдыгын, жергиликтүү жетекчилер бюрократиялык тоскоолдуктар менен алардын толук кандуу иштешине жолтоо болбошу керектигин айткан.
Өкмөт башчы Чаткал районундагы "Тереккан" жана "Перевальное" алтын кендеринде алтын өндүрүүгө уруксат кагазы бар ишканасына жана "Терек" деп аталган алтын-сурма чыгарган кенге барды. Ал жерден ишкана уруксат берүүчү документтеринин жоктугуна улам ишкана ишке кире албай тургандыгын айтышкан.
"Буга байланыштуу өкмөт башчы тиешелүү мамлекеттик органдарга керектүү документтерди берүү маселесин карап чыгууну тапшырды", — деп билдирди маалымат кызматы.
Жалал-Абал облусунда учурда бир канча кендер жайгашып, алардын бир катарлары учурда толук кубаттуулукта иштеп жатат.
