БИШКЕК, 21-июл. — Sputnik. Ысык-Көлдөгү "Асыл" пансионатынын аймагына мугалимдер үчүн кошумча дагы бир жаңы эс алуу жайы курулат. Бул тууралуу өкмөттүн маалымат кызматы кабарлады.
Билдирмеге караганда, үстүбүздөгү жылдын июнь айында өкмөттүн чечими менен Сары-Ой айылындагы "Асыл" пансионаты Билим берүү жана илим министрлигинин балансына өткөрүлгөн.
Өкмөт башчы аталган пансионатты оңдоп, кошумча жаңы 400 адамга ылайыкташкан беш кабаттуу ден соолукту чыңдоо борборун куруу тапшырмасын берди.
Бүгүн премьер-министр Сооронбай Жээнбеков жумушчу жыйын өткөрүп, анда "Асыл" пансионатынын оңдоо иштерин тез арада бүтүрүүнү буйруган. Аны оңдоо иштери эртең, 22-июлда башталат. Ал эми эс алууга мугалимдердин биринчи тобу август айында келет.
Понсионаттты оңдоо иштерине жана курууга 377 миллион сом бөлүнгөн.
