БИШКЕК, 21-июл. — Sputnik. Молдова элинин жарымынан көбү өлкөнүн Евразиялык экономикалык биримдикке кирүүнү колдойт. Мындай жыйынтык IMAS институту тарабынан жүргүзүлгөн изилдөөдө айтылганын Sputnik Казакстан маалымат агенттиги билдирди.
"Молдовалыктардын 51 пайызы өлкөнүн ЕАЭБге киришин колдосо, 49 пайызы Европа Биримдигине кирүүнү жактырган", — деп айтылат изилдөөдө.
Мындай маалыматтар Евразиялык өнүгүү банкынын изилдөөлөрү менен дал келет.
Аталган институт 2012-жылдан тарта Молдова республикасынын аймагында иликтөөлөрдү жүргүзүп, жарандардын интеграциялык процесстерге катышуусун аныктап келет.
Евразиялык өнүгүү банкынын изилдөөсүнө боюнча ЕАЭБге кирүүгө Тажикстан дагы кызыкдар экенин белгилеген. Бул өлкөдө жашагандардын 68 пайызы мамлекеттин Евразиялык экономикалык биримдикке киришин колдойт.
