Кулукеева: Түркиядагы жер титирөөдөн Кыргызстандын жарандары жабыркаган жок
Жер титирөөдөн жабыркагандар арасында Кыргызстандын жарандары жок экенин КР Тышкы иштер министрлигинин атайын өкүлү Айымкан Кулукеева Sputnik Кыргызстан агенттигине билдирди.
"Кыргызстандын Түркиядагы элчилиги Бодрум шаарынын жергиликтүү бийлик өкүлдөрү менен байланышып, жабыркагандардын арасында КР жарандарынын бары-жогун тактады. Алдын ала маалыматтар боюнча кыргызстандыктар алардын арасында жок", — деди Кулукеева.
Ал ошондой эле элчилик жергиликтүү бийлик менен дайым байланышта экенин кошумчалады.
