БИШКЕК, 20-июл. — Sputnik. Душанбедеги тажик парламентинин жаңы имараты Кытайдын грант катары берген акчасына курулат. Бул тууралуу Sputnik Тажикстан маалымат агенттиги билдирди.
Буга чейин айрым ЖМКлар парламенттин жаңы имараты Сауд Аравиясы бере турчу 200 миллион доллардын эсебинен куруларын жазып чыгышкан.
"Тажик парламентинин жаңы имараты Кытайдын 250 миллион доллар көлөмүндө бере турчу грантынан курулат. Бул каражат кайтарымсыз негизде бөлүнөт", — деген пикирин Тажикстандын архитектура жана шаар куруу комитетинин башчысы Жамшед Ахмадзода билдирди.
Тажик парламентинин жаңы имараты өлкөнүн айыл чарба министрлиги, Душанбенин мэриясы жана Иран элчилиги менен бир катар үйлөр турган жерге салынат.
