Абдыкеримов: жаңы конуштарга үч мектеп салынып жатат
Жаңы конуштарга үч мектеп салынып жатат. Бул тууралуу мэриянын коомдук-мамлекеттик капиталдык курулуш башкармалыгынын башчысынын орун басары Алтынбек Абдыкеримов Sputnik Кыргызстан радиосуна маек куруп жатып билдирди.
Анын айтымында, аталган мектептердин экөө быйыл ишке берилет.
"Азыркы маалда жаңы конуштарга үч мектеп салынып жатат. Алардын бири Калыс-Ордо конушунда. Буюрса ал мектеп сентябрга бүткөрүлөт. Ал эми Ак-Ордодогу мектеп ноябрга даяр болот. Мурас-Ордо конушундагы жаңы мектеп кийинки жылы окуучуларды кабыл алат", — деди Абдыкеримов.
Ал ошондой эле 140 орундуу бала бакча салынып жатканын кошумчалады.
