Токмок шаарынын аймагындагы айланма жолдо эки автоунаа кагышкандыгын Sputnik Кыргызстан агенттигине WhatsApp аркылуу окуянын күбөсү билдирди.
Кырсык дүйшөмбү күнү, 17-июлда саат 18.30 чамасында болгон. Эки автоунаа тең Кемин багытын көздөй кетип бара жаткан. Алдын ала алынган маалыматтарда Nissan X-Trail унаасын башкарып бараткан адам катуу ылдамдык менен алдыда кетип бараткан Volkswagen Passat машинасын сүзгөн.
"Жол кырсыгынан үч киши жабыркады. Аларды Тез жардам ооруканага алып кетти. Эки адам амбулатордук дарылоодон өтө турган болду", — деп билдиришти милициядан.
Кайгуул милициясынан кырсыкка ким күнөөлүү экендиги аныкталып жаткандыгын айтышты.
Эгер кандайдыр бир кызыктуу окуяларга туш болуп калсаңыз тарткан сүрөт, видеолорду биздин +996 706 566 544 WhatsApp номери аркылуу билдирсеңиз болот.
