БИШКЕК, 17-июл. — Sputnik. Алай районунда ат жана топоз оюндарынын фестивалы өтөт. Бул тууралуу уюштуруучулардын бири Абдилла Ташбеков Sputnik Кыргызстан агенттигинин кабарчысына билдирди.
Маалыматка ылайык, фестиваль 22-июль күнү Алай районунун Сары-Могол айылынында өткөрүлөт.
Уюштуруучулардын айтымында, иш-чара бийик тоолуу аймакка туристтерди тартуу максатында пландалган.
"Фестиваль Алай жерине туристтерди тартуу үчүн жана туристтик мүмкүнчүлүктөрдү көргөзүү максатында уюштурулуп жатат. Анда улак тартыш, кыз куумай, эр эңиш, топоз эңиш жана топоз жарыш болот", — деди Ташбеков.
Андан сырткары аркан тартыш, кол күрөш өңдү бир каттар улуттук оюндар дагы пландалган.
