БИШКЕК, 16-июл. — Sputnik. Эл аралык олимпиадалык комитет сентябрь айында 2024-жылы жана 2028-жылы өтө турган олимпиада оюндары өтчү шаарды тандайт. Бул тууралуу РИА Новости Рейтер агенттигине шилтеме кылуу менен жазып чыкты.
Маалыматка ылайык, эгерде олимпиадалык комитет 2024-жылкы олимпиданы өткөрүүгө талапкер болгон Париж менен Лос-Анджелес сүйлөшүү жүргүзө албаса, анда 2028-жылы олимпиада өтө турчу шаар эле тандалат.
Аталган чечим өткөн аптада Лозанда өткөн олимпиадалык комитеттин сессиясында кабыл алынган.
Олимпиадалык комитет учурда Париж жана Лос-Анжелес менен сүйлөшүүлөрдү жүргүзүүдө. Эгерде макулдашуулар ийгиликтүү болсо, анда 2024-жылкы оюндар жогору аты аталган шаарлардын биринде, 2028-жылкы оюндар экинчисинде болот.
