БИШКЕК, 13-июл. — Sputnik. Бишкек — Ош унаа жолунун мамлекеттик дирекциясы жамгырлуу аба ырайынан улам, Төө-Ашуу жана Суусамыр аймактарындагы жолду оңдоо иштери созулуп кеткендиктен айдоочулардан түшүнүү менен мамиле кылуусун өтүндү.
Бүгүн Төө-Ашуу жана Суусамыр аймагындагы жолду оңдоо иштери убактылуу токтотулду.
Реконструкциялоо иштери күн ачылары менен башталат.
Учурда Бишкек — Ош жолунун Төө-Ашуу ашуусундагы132-138-чакырымына жети сантиметр калыңдыктагы асфальт төшөлдү. Суусамыр өрөөнүндөгү 148-152-чакырымына калыңдыгы жети сантиметрге жеткен жаңы бетонду төшөө үчүн эски жолдун үстүңкү катмары кырылып жатат.
Транспорт жана жол министрлигинин алдындагы бул дирекция Технология боюнча жаан-чачын маалында асфальт төшөөгө болбостугун айтты.
