БИШКЕК, 13-июл. — Sputnik. Кыргызстандык спортчу Айсулуу Тыныбекова Бириккен күрөш дүйнөсүнүн жаңыланган рейтингинде алдыңкы үчтүктөгү орунун сактап калды.
Июлдун рейтинги Перуда өткөн Панамерикалык оюндар, Литвадагы Түндүк Европанын чемпионаты менен Польшадагы эл аралык турнирдин жыйынтыктарынын негизинде чыгарылган.
Биринчи орунду мурдагыдай эле Олимпиаданын жеңүүчүсү япониялык Каори Ичо ээлеп турат. Экинчини тунистик спортчу Марве Амри ээлесе, үчүнчүнү орунду Польшадагы турнирде күмүш медаль тагынган Айсулуу Тыныбекова алды.
Ал эми буга чейин төртүнчү орунда турган Валерия Коблова-Жолобова бир тепкичке түшүп калган. Анын ордуна Европа чемпиону аталган норвегиялык Грей Буллен көтөрүлгөн.
Өткөн жумада Айсулуу Тыныбекова Польшада өткөн Ziolkowski, Pytlasinski & Poland Open эл аралык турниринде экинчи болгон.
