Сариев: президенттикке талапкерлердин көптүгүнөн чочулоонун кереги жок
Президенттикке талапкерлердин көптүгүнөн чочулоонун кереги жок. Бул тууралуу БШКнын мурдагы төрагасы Акылбек Сариев Sputnik Кыргызстан радиосуна маек куруп жатып билдирди.
Анын айтымында, учурда катталгандардын баары эле аягына чейин чыкпай калышы мүмкүн.
"Арыз бергендердин баары тең аягына чыгат деп эч ким кепилдик бербейт. Андыктан чочулоонун кереги жок. БШК арыз бергендерди эле алып жатат, негизи бардык талаптардан өтүп, расмий каттоо бүткөндөн кийин анан талапкер деп атасак туура болот", — деди Сариев.
Эске сала кетсек, учурда БШК президенттикке талапкерлерди каттоону жүргүзүүдө. Учурда алардын саны 18ге жетти.
