БИШКЕК, 9-июл. — Sputnik. 45 жылдык өмүрүн скульптурага арнаган жыгач уста менен Sputnik Кыргызстан агенттигинин аймактык кабарчы баарлашып, анын сейрек кездешкен өнөрүнө күбө болду.
Музулманов бул өнөр менен студент кезинен тарта алектене баштаган. Ал керектен чыккан жыгачтардын тамырларына "жан киргизип" жаныбар, канаттуулардын түрүн жасайт.
"Бул өнөр менен акча табайын же каражат чогултайын деп деле алектенбейм. Айрым учурда жакын адамдарыма белек катары берем. Кээде баарын убара болуп алып келсем, үйдөгүлөр отунга жыйнап келген го деп жагып салган учурлар да кездешкен ", — деди уста.
"Өнөрүмдү өспүрүмдөргө да үйрөтүүнү туура көрүп, мектепте окуучулар үчүн "Жаратылыш жана фантазия" аталышындагы ийрим ачып алгам", — деди Музулманов.
Жашы өтсө да жөн отурбаган жыгач уста ар түрдүү сынак, көргөзмө-жарманкелерге да катышып турат.
